Magapatigayon sang emergency meeting ang tanan nga local chief executives sa Western Visayas kaupod ang Department of Health (DOH) kag Department of the Interior and Local Government (DILG) Region 6.
Sa interview sang Bombo Radyo kay Mayor Jerry Treรฑas, iya ginpahayag nga ginkahangaw-an niya ang lapnagon nga pagsaka sang COVID-19 cases sa Metro Manila kag Cebu.
Bangud sini suno kay Treรฑas, luyag niya nga hingyo-on sa mga local chief executive sa Western Visayas nga mag-angkon sang synchronize nga travel protocol.
Magluwas diri suno sa alkalde, luyag niya nga mangin required ang pagpaidalom sa Reverse transcription polymerase chain reaction (RT-PCR) test sa tanan nga mga byahero nga magapadulong sa Western Visayas sa sulod sang 14 ka-adlaw.
Gin-ako sang alkalde nga tuman ang kabalaka niya sa pagsaka sang kaso sang COVID-19 rason nga pinaagi sa pagpahugot sang travel protocol sa Region 6, matapna ang pagsaka sang COVID-19 cases.
