ILOILO – Liwat nga ginsulit sang Iloilo Provincial Government nga indi na required ang quarantine para sa mga nagabyahe padulong sa Iloilo Province halin sa any point of Western Visayas.
Sa exclusive interview sang Bombo Radyo kay Iloilo Governor Arthur Defensor Jr., iya ginpahayag nga nagakadapat indi na magsalangisag pa ang mga pumuluyo bangud napagkit na sa ila pagsulundan nga wala na sang quarantine nga igarequire sa mga magabyahe sa sulod sang rehiyon.
Suno kay Defensor, ini man ang kabahin sa uniform nga travel protocol nga nakasugtan nila sang mga local chief executive sa Western Visayas.
Dugang pa sang natungdan, wala man sang problema magsulod sa crossing boarders basta sa sulod lamang sang Region 6.
