Nagapanindugan si Vice President Leni Robredo nga wala sang kaangtanan ang May 2022 elections ang iya pagpadulong sa syudad kag probinsya sa Iloilo.
Sa interview sang Bombo Radyo kay Vice President Robredo, iya ginpahayag nga daw kaangay nga isa ka sala kun istoryahan ang eleksyon subong nga panahon bangud madamo sang pigado kag nagapadayon pa ang pagsaka sang COVID-19 cases.
Suno kay Robredo, isa ka mayor nga rason sang iya pagpadulong sa probinsya kag syudad sang Iloilo amo nga matutukan ang iya community-based projects ilabi na ang pagbulig sa COVID-19 Response Teams.
Gin-ako niya nga wala man siya nagpatigayon sang events kag kun eleksyon ang iya nga tuyo, magapatawag siya sang madamo nga tawo.
”Parang kasalanan isipin ang eleksyon ngayon dahil andaming naghihirapโฆang taas ng (COVID-19) cases. Parang pag-inisip natin ‘yung eleksyon ngayon, hindi natin magagawa ang trabaho natinโฆ Siguro kung election ‘yung iniisip ko, magpapatawag ako nga maraming tao,” pahayag ni Robredo.
Matandaan nga pila sa ginkadtuan ni Robredo amo ang Community Learning Hub sa Brgy. Bagacay, Tigbauan, Iloilo sa diin naghatag siya sang bulig sa masobra 200 ka mga estudyante para sa distance learning.
Gindayaw man sang bise-presidente ang resulta sang ginpondohan nga proyekto sa idalom sang Bridging leadership Program sa banwa sang Anilao, Iloilo.
