Nagpain sang P4.5 million nga pondo si Vice President Leni Robredo para sa dugang nga equipment sa mga COVID-19 laboratories sa nanuhay-tuhay nga local government units sa pungsod lakip na syudad kag probinsya sang Iloilo.
Ini ang iya ginpahayag kasunod man sang iya pagbisita sa pila ka banwa sa probinsya sang Iloilo agud lantawon ang pila ka mga community-based projects kag mga learning hubs.
Sa exclusive interview sang Bombo Radyo kay Vice President Robredo, iya ginpahayag nga sang damlag lang, nagpadulong siya sa Uswag Molecular Laboratory sa syudad sang Iloilo agud magbulig sa COVID-19 Response Team sa paghatag sang dugang nga test kits kag equipment sa amo nga laboratory.
Suno kay Robredo, sang nag-umpisa ang COVID-19 pandemic nadesisyunan niya nga magfocus sa pagbulig sa mga COVID-19 response teams agud mabuligan nga matapna ang pagtimbuok sang COVID-19 cases.
Ginpahayag ni Robredo nga humalin sang tuig 2016, nagalibot siya sa bilog nga Pilipinas kada tuig agud hatagan sang igtalupangod ang iya ongoing projects.
