Sa pihak sang mga pagpakamalaot ni Presidente Rodrigo Duterte sa mga rebelde nga grupo, gin-ako sini nga ginhimo niya nga mga abyan sadto ang nasambit nga grupo agud nga makakuha sang boto sang eleksyon.
Ini ang ginpahayag sang presidente kadungan sang Joint Meeting sang National Task Force – Regional Task Force to End Local Communist Armed Conflict sa Eastern Visayas sa Tacloban City, Leyte.
Suno kay Presidente Duterte, nahatagan man siya sang kahigayunan sadto nga maka-istorya sa mga komunista.
Pahayag niya, mga abyan man niya ang mga komunista apang sadto, boto lang gid ang kinahanglan niya.
Ini tanan ang natabo sadto pa suno sa iya kag humalin sang nangin alkalde tubtob nangin presidente siya, napasa na sa iya ang “burden of governance”.
Dugang pa sang presidente, kun padayunon niya ang pagpang-amigo sa mga rebelde nga grupo, pat-od nga pahalinon siya sang militar kag magpatigayon sang kudeta.
