Nagpasalig si Presidential Spokesperson Atty. Harry Roque nga i-review sang gobyerno ang layi nga naga-ban sa mga pribado nga sektor nga magbakal sang COVID-19 vaccines.
Ini matapos nagalapta ang mga posts online nga nagapahayag nga ang pila ka mga private sectors kaangay sang local tobacco firms ang ginban sa pagbakal sang bakuna.
Suno kay Roque, mahimo nga may yara sang naga-eksister nga layi bangud kinahanglan ang legal nga basehan agud nga dumilian ang pagbakal sang vaccines.
Apang ini ang usisaon niya bangud mas maayo nga madamo ang bakuna sang pungsod agud nga mahatagan ang tanan nga mga pumuluyo.
May yara man sang mga impormasyon nga naga-require ang gobyerno sa mga pribado nga sektor nga magdonar sang bakuna sa gobyerno apang wala na ini nadiskusyonana sa briefing.
