ILOILO CITY- Ginrelieve bilang hepe sang La Paz PNP si Police Major Edfel Balibadlan.
Sa exclusive interview sang Bombo Radyo kay Police Col. Uldarico Garbanzos, director sang Iloilo City Police Office (ICPO), iya ginpahayag nga ang pagrelieve kay Balibadlan ang naangot sa iya concurrent position bilang hepe sang La Paz PNP kag chief man sang Police Community Relations sang ICPO.
Gin-athag ni Garbanzos nga wala sang kahilabtanan sa isyu angot sa naggwa nga video sa social media tuhoy sa cockfighting activity sa Rockwell Cockpit Arena sa Barangay Don Esteban, Lapuz, Iloilo City ang pagrelieve sa hepe.
Si Balibadlan ang buslan ni PCapt Val Ladublan bilang bag-o nga OIC Station Commander sang La Paz PNP.
Si Ladublan ang anay hepe sang Arevalo PNP.
Suno kay Garbanzos, ang pagrelieve kay Balibadlan ang kabahin lang sang balasahay sa mga opisyal sang pulis sa Iloilo City Police Office agud mahatagan sang kahigayunan nga magpamuno sa mga police stations ang mga officers nga nagbalik gikan sa schooling.
-Sa Iloilo City Police Station 1,si PCapt Shella Mae-Sangrines ang magapungko nga OIC Station Commander;
-Sa Arevalo PNP, ang bag-o nga hepe amo si PCapt Chen Entienza Tanagras;
-Sa Jaro PNP, si PCapt Eduardo Siacon ang bag-o nga hepe matapos ginrelieve man si PCapt Reuben Siason agud mangin full-fledged Deputy City Director for Operations;
-Sa Molo PNP, magapabilin nga hepe si PCapt Marlyn Roquero; kag
-Sa Mandurriao PNP, magapabilin nga hepe si PCapt Jonathan Penuela.
