ILOILO CITY – Natalana nga magpagwa sang pagsulundan si Iloilo City Mayor Jerry Treñas natuhoy sa mass gathering sa pagselebrar sang Semana Santa.
Sa interview sang Bombo Radyo kay Mayor Treñas, iya ginpahayag nga pahanugutan ang mga misa sa simbahan kag pagtililipon apang ini ang 50 percent lamang sang total capacity kag nagakadapat nga indi maglapaw sa 80 percent.
Suno sa alkalde,bangud sini indi man pagpahanugutan ang pagtumpok sang mga tawo sa gwa sang simbahan.
Suno kay Treñas, mas pakamaayuhon nalang nga mangin digital ang nakaandan nga kahiwatan kaangay sang Visita Iglesia.
Dugang pa sang natungdan, nagapakig-angot man siya sa mga pari sang kada simbahan sa Syudad sang Iloilo agud ma-finalize ang mga pagsulundan natuhoy sa mga kahiwatan sa Holy Week.
