DILG napikon matapos natukiban nga ang aktor nga si Mark Anthony Fernandez ang nagpabakuna batuk COVID-19 apisar wala ini nalakip sa priority list

Dismayado si Department of the Interior and Local Government Undersecretary Epimaco Densing III sang natukiban nga nakapabakuna sang COVID-19 vaccine ang aktor nga si Mark Anthony Fernandez sa Parañaque City apisar wala siya sa priority list.

Suno kay Densing, napikon siya bangud may yara sang artista nga nabakunahan nga sa pagkamatuod, ang mga tawo nga yara sa priority list amo ang dapat una nga mabakunahan.

Pahayag sang opisyal, ang alkalde sang Parañaque City amo ang manabat sa natabo nga pagbakuna sa aktor.

Nahibaluan nga nagpaguwa sang show cause order ang nasambit nga ahensya batuk sa lima ka mga alkalde nga nagpatublok na sang COVID-19 vaccine apisar wala pa sila sa listahan sang mga prayoridad.