Apisar limitado pa ang pagbyahe sa idalom sang community quaratine bangud sa kahangawa nga tuga sang COVID-19, may mga kahigayunan sa gihapon nga kinahanglan magpadulong sa iban nga lugar.
Indi lang pagkalimtan ang bulong kun maglingin ang ulo sang imo anak samtang nagabyahe apisar indi man malayo ang kaladto-an.
Suno sa American Academy of Family Physicians , ginatawag nga motion sickness ang paglingin sang ulo sa byahe.
Tuga ini sang disturbance sa inner ear nga nagaapekto sa sense of balance kag equilibrium sang lawas.
Mga babaye kag bata nga naga edad duha tubtob 12 anyos ang masami nga nagabatyag sang motion sickness.
Masami man ini sa mga tawo nga nagabatyag sang migraine.
Agud malikawan ang paglingin sang ulo samtang nagabyahe, yari ang panugyan sang mga eksperto;
*likawan magbasa
*indi magkaon sang mamantika ukon maaslom nga pagkaon lakip na ang pag-inom sang kape
*magkaon lang sang dry crackers agud nga may unod ang tyan
*mag-inom sang madamo nga tubig
*siguraduhon nga may bastante nga tulog antes magbyahe kag;
*kun may head rest ang pulungkuan, isandig ang ulo agud nga mabuhinan ang paghulag.
