Ginlunsyar na sang Department of Science and Technology (DOST) ang Safe , Swift, and Smart Passage (S-PaSS) Travel Management System agud nga buligan ang mga travelers sa tunga sang mga restrictions nga ginapatuman subong nga may COVID-19 pandemic.
Ang proyekto ang gindevelop sang DOST Regional Office 6 kasunod sang approval sang Inter-Agency Task Force may kaangtanan sa uniform travel protocols sa pungsod.
Ini ang nagaserbe bilang “One-stop-shop” — isa ka platform nga maggamit sa pagcommunicate kag coordinate sa mga travelers kag local government unit.
Suno kay DOST Region 6 Director Rowen Gelonga, antes pa man natukod ang S-Pass, kinahanglan pa sang mga travelers nga magpangita sang pila ka mga makuhaan sang impormasyon agud mahibaluan lang ang travel policies kag requirements sang kapin 1,800 nga mga LGUs sa bilog nga pungsod.
Ang S-PaSS website ang may yara sang listahan sang masobra 60 ka mga probinsya, syudad kag kabanwahanan sa diin makit-an man ang ila tagsa ka mga polisa kag requirements para sa traveling public.
Pinaagi sa nasambit nga platform, mahibaluan sang publiko kun bala ang ila lugar nga kadto-an ang klasipikado bilang “restricted” ukon “unrestricted” sa pagtravel.
Ang mga travelers nga magpadulong sa restricted areas ang kinahanglan nga maghimo sang account sa S-PaSS’s website kag ipasa ang online application para sa Travel Coordination Permit (TCP) .
Ang pag-apruba sang TCP ang yara sa desisyon sang LGU nga kadto-an.
Samtang ang mga travelers naman nga magapadulong sa unrestricted areas ilabi na kun kinahanglan pa nga magkadto sa mga lugar nga klasipikado nga restricted ang nagakadapat nga mag-secure sang Travel Pass-Through Permit (TPP).
Ang duha ka mga permits ang may yara sang QR codes nga i-scan sang authorized personnel sang LGU ukon sang Philippine National Police.
Gin-athag man sang DOST nga ang S-PaSS ang indi isa ka contact tracing app bangud ginagamit lamang ini antes kag samtang nagatravel.
