Wala sang bayolasyon nga idagdag ang Commission on Elections (COMELEC) sa mga politiko nga nagapahamtang sang mga campaign poster sa nanuhay-tuhay nga bahin sang syudad sang Iloilo.
Sa interview sang Bombo Radyo kay Jonathan Sayno, election assistant II sang COMELEC Iloilo City, iya ginpahayag nga maga-intra kag magasaway lamang sila sa tion nga mag-umpisa na ang campaign period sa masunod nga tuig.
Suno kay Sayno, santo sa ila nahisugtan nga schedule bilang kabahin sang ila Calendar of Activities, Marso 25 tubtob Mayo 7 ang period sang kampanya.
Pahayag ni Sayno, may ipahamtang sila nga COMELEC poster area sa diin mahimo makabutang sang nanuhay-tuhay nga campaign poster ang mga official candidate.
May yara man suno sa natungdan sang pila ka mga private areas sa Iloilo City nga mahimo matapikan sang campaign posters sa diin may pahanugot sang tag-iya kag provided nga natuman ang prescribed size sang poster.
Ginpat-od naman sang natungdan nga sa ila bahin sa COMELEC, wala sang bayolasyon ang mga poster nga nagbaha sa mga dingding sa syudad sang Iloilo.
Nahibaluan nga pagadumilian ang pagpangampanya sa Hwebes Santo kag Byernes Santo nga matuon sa Abril 14 kag 15, 2022.
Dumilian man ang pagpangampanya sa gab-i antes ang eleksyon ukon sa mismo adlaw sang eleksyon.
