Nagapanawagan ang labor groups sa gobyerno nga hatagan sang cash assistance ang mga empleyado nga nadulaan sang palangabuhian tuga sang restrictions nga ginapatuman sa NCR Plus bubble.
Madamo sang mga gym, salon kag spa employees ang naga-agunto subong bangud sirado ang ila ginatrabahuan sa sulod sang duha ka semana bangud sa pagpaidalom sa NCR, Bulacan, Rizal, Laguna kag Cavite sa mas istrikto nga community quarantine.
Suno sa Associated Labor Union-Trade Union Congress of the Philippines (ALU-TUCP), ang kinahanglan sang mga pumuluyo amo ang ayuda halin sa gobyerno — sa national level man ukon sa local government unit.
Pahayag naman sang Department of Labor and Employment (DOLE), may yara sang P5,000 nga cash assistance nga mahimo mabaton ang 400,000 nga mga empleyado sang gyms, spa kag salon kag kinahanglan lang mga mag-apply sa ila tagsa ka mga agencies.
