Ginkoronahan bilang Miss Grand International first runner up ang tiglawas sang Pilipinas nga si Samantha Bernardo kadungan sang grand coronation night sa Bangkok, Thailand.
Ginkilala naman bilang Miss Grand International 2020 ang tiglawas sang Estados Unidos nga si Abena Appiah kag second runner up naman amo si Miss Guatemala.
Nakuha naman ni Miss Grand Indonesia ang third runner-up kag fourth-runner up amo si Miss Grand Brazil.
Apang antes pa man gin-anunsyar ang winners, sa question and answer portion sa Top 5, isa lang kag pareho nga pamangkot ang ginhatag sa mga kandidata.
Matapos gin-anunsyar ang third kag fourth runners up, ginbuyagyag sang host nga ang scores sang top 3 ang nag-tie sa diin may yara sang isa pa ka hugnat sang Question & Answer nga ginhatag kanday Miss Philippines, Miss USA kag Miss Guatemala.
Ang pamangkot nga ginhatag sa ila ang palareho lamang.
Samtang madamo naman nga mga netizens ang nadismaya sa nangin resulta sang pageant.
Nagalaum ang mga Filipino nga makuha na sang Pilipinas subong ang korona sa Miss Grand International apang napaslawan ang pungsod batuk kay Miss USA.
Ginapakigbato sang mga netizens nga sala ang nangin sabat sang Miss USA.
Gintawag pa sang iban nga daw kaangay nga “cooking show” ang natabo ukon may yara sang dinayaay sa nasambit nga pageant.
