Ginpasalig sang Department of Agriculture (DA) nga may yara sang bastante nga pagkaon kag iban pa nga grocery items para sa tanan nga mga shoppers kadungan sang pagpaidalom sa NCR Plus bubble sa Enhanced Community Quarantine (ECQ).
Suno kay DA Sec. William Dar, ginmanduan na niya ang Bureau of Fisheries and Aquatic Resources (BFAR) nga padayunon ang pagtransport kag delivery sang mga pagkaon kaangay sang utan, isda, livestock products kag iban pa nga basic food commodities.
Nagapanawagan man si Philippine Amalgamated Supermarkets Association president Steven Cua nga untatan ang panic-buying agud nga indi ini magtuga sang kakulang sang supply sang pagkaon.
Nahibaluan nga ang mga supermarkets, wet markets kag convenience stores ang magapabilin nga bukas sa pihak sang ECQ.
