Temporaryo nga suspendihon ang tanan nga operasyon sang mga baybay, resort kag waterpark sa Iloilo City umpisa subong nga adlaw, Marso 29 tubtob sa Abril 4, 2021.
Ini ang kasunod sang Executive Order nga ginpapanaog Iloilo City Mayor Jerry Treñas para sa dugang nga pagsulundan sa nagapadayon nga pagsaka sang COVID-19 cases.
Sa interview sang Bombo Radyo kay Mr. Jeck Conlu, spokesperson sang COVID-19 team sang Iloilo City Government kag amo man ang pinuno sang PSTMO, iya ginpahayag nga kadungan sang pagdumdom sang Semana Santa, posible nga magatumpok naman ang mga tawo sa mga beach line kag resort.
Suno kay Conlu, agud mapunggan ang posible nga pagtimbuok sang kaso sang COVID-19, hugot nga ginapanugyan ang virtual nga mga meeting kag ginadumilian ang pagsulod sa mga tourism destination sa syudad.
Pahayag ni Conlu, sa Holy Week naman, pahanugutan ang religious gathering apang ini ang subject sa 50 percent capacity.
