Nakilala na ang 10 ka mga rebelde nga napatay sa engkwentro sa tunga sang militar kag New People’s Army (NPA) sa Barangay Trinidad Guihulngan City, Negros Oriental.
Sa exclusive interview sang Bombo Radyo kay Major Cenon Pancito III, spokesperson sang 3rd Infantry Division sang Philippine Army, iya ginpahayag nga ang 10 ka rebelde ang lunsay myembro sang Sentro de Grabidad (SDG) Platoon kag ang nagclaim sang pila ka mga bangkay amo ang ila iloy kag asawa.
Yari ang pangalan sang mga rebelde nga napatay sa engkwentro:
- Jojo Necto Alpitche “Ka Troy”, residente sang Sitio Agpapatao, Brgy. Binobohan, Guihulngan City, Negros Oriental
- Eduardo Tormis “Ka Idu”, residente sang Sitio Batong-Buang, Brgy. Trinidad, Guihulngan City, Negros Oriental
- Felicito Robert Quiñanola “Ka Jon”, residente sang Sitio Nacurohan, Brgy. Quinten Remo, Moises Padila, Negros Occidental
- Argie Casulay “Ka Diego”, residente sang Sitio Batong-buang, Brgy. Trinidad, Guihulngan City, Negros Oriental
- Roberto Litong Jr. ”Ka Jonas”, residente sang Sitio Dadiangao, Brgy. Luz, Guihulngan City, Negros Oriental
- Ringie Dilica Gadiano ”Ka Eron”, residente sa Sitio Casanday, Brgy. Trinidad, Guihulngan City, Negros Oriental
- Felix Jojo Saputalo “Ka Pidu”, residente sang Sitio Cambairan, Brgy. Trinidad, Guihulngan City, Negros Oriental
- Regie Remasog ”Ka Bosto”, residente sang Sitio Caranawan, Brgy. Riverside, Isabela, Negros Occidental
- Jeryneboy Timagus Callora ”Ka Jecky”, residente sang Sitio Banderahan, Brgy. Trinidad, Guihulngan City, Negros Oriental
- ”Ka Jek-Jek”, residente sang Sitio Malatanglad, Brgy. Budlasan, Canlaon City, Negros Oriental kag wala pa naclaim sang pamilya
Pahayag ni Pancito, sa 10 ka mga rebelde, anom diri ang nalubong na kahapon samtang ang apat nga bangkay ang gindala pauli sang ila pamilya.
Matandaan nga indi magnubo sa 20 ang mga recoveries lakip na ang mga high-powered firearms nga narekober sa nagluntad nga engkwentro sa tunga sang 62nd Infantry Battalion kag kapin 40 ka mga myembro sang New People’s Army (NPA).
