Nagpanugyan ang Simbahang Katolika nga magpamalandong subong nga sa Semena Santa.
Sa interview sang Bombo Radyo Rev. Fr. Angelo Colada, Director sang Commission on Social Communications sang Archdiocese of Jaro, iya ginpahayag nga isa man sa pinaagi sang Ginoo ang Holy Week nga mapahanumdom sa mga tawo ang paghatag sang igtalupangod sa ispirituhanon nga pangabuhi.
Suno kay Colada, isa sa pinaagi agud mangin madinalag-on sa kabuhi ang isa ka tawo, amo ang paghatag sang importansya sa pagkonsulta sa Ginoo sa tanan nga problema kag desisyon sa adlaw-adlaw nga tanan.
Nagpangabay naman ang natungdan sa publiko nga gamiton ini nga tion sang Semana Santa agud binag-binagon ang relasyon sa Ginoo kag mangayo sang kapatawaran sa tanan nga kakulangan sa isigkatawo kag mahal nga makaako.
Yari naman ang Schedule sang Online Activities para sa Huwebes Santo, Abril 1:
- Misa sang Santo Krisma: las 7:00 sang aga
- Misa sa Katapusan nga Panihapon: las 5:00 sang hapon
- Online Visita Iglesia: las 7:00 sang gab-i
Tanan nga misa ang iga-stream live nagikan sa Jaro Metropolitan Cathedral.
