Patay ang driver sang motorsiklo samtang pilason naman ang iya nga backrider matapos nakabunggo sa salakyan sa Barangay Inagdangan Norte, Zarraga, Iloilo.
Ang napatay amo si Archie Calanao, 18 anyos samtang pilason naman ang iya angkas nga si Paul Geralao, 19 anyos lunsay mga residente sang Pototan, Iloilo.
Ang driver naman sang SUV amo si Lendi Constantino sang Molo, Iloilo City.
Sa interview sang Bombo Radyo kay PLt. Johnny Arnad, hepe sang Zarraga Municipal Police Station, iya ginpahayag nga maliko kuntani ang SUV apang nagsugat-anay sila sang motorsiklo.
Nagapabilin subong sa ospital si Geralao samtang yara naman sa kustodiya sang Zarraga PNP si Constantino.
