ROME, ITALY – Nagsentro ang mensahe sang Santo Papa sa iya tradisyunal nga “Urbi et Orbi” (to the city and the world) sa pagkabuhi ni Hesus bilang ‘undying hope’ sa mga tumuluo sa tunga sang COVID-19 pandemic.
Sa interview sang Bombo Radyo kay Reverend Father John Tadifa direkta sa Rome, Italy, iya ginpahayag nga kadungan sang Easter Sunday, madamo sang nagtambong nga Katoliko kag tumuluo sagwa sang St. Peter’s Basilica sa Rome Italy agud personal nga mabatian ang mensahe ni Pope Francis.
Suno kay Tadifa, kaangay sang tinalikdan nga tuig, ginpakigbahin sang Santo Papa sa sulod St. Peter’s Basilica ang iya nga mensahe sa bilog nga kalibutan agud malikawan ang COVID-19.
Pahayag ni Father Tadifa, may rason sa gihapon nga magselebrar ang Kristyano nga katilingban sang Easter Sunday bangud sa dako nga pagpahanumdom sang Diyos nga nabuhi siya kag iya ginsalbar ang bilog nga kalibutan.
Lakip man sa nasambit sang Santo Papa suno sa natungdan amo ang social kag economic crisis sa diin tuman ka apektado ang mga pigado.
Matandaan nga una na naghiwat ang Santo Papa sang misa sa Altar of the Chair kaupod ang gamay lamang nga congregation nga lunsay nakasuksok sang face mask.
