Gin-evacuate ang lima ka pamilya matapos nagluntad ang landslide sa Barangay Walang, Lambunao, Iloilo.
Sa exclusive interview sang Bombo Radyo kay Lambunao, Iloilo Mayor Reynor Gonzales, iya ginpahayag nga kapin 27 ka indibidwal ang lunsay gin-evacuate sa Chapel sang nasambit nga barangay matapos nagluntad ang pag-usmod sang duta sang magluntad ang landslide sa lugar.
Maswerte nga wala man sang may nasamaran sa insidente.
Suno kay Gonzales, madugay naman nga gina-abisuhan ang mga residente nga magsaylo sang lugar nga istaran bangud ‘prone to landslide’ sa tion nga magbubu ang mabaskog nga ulan sa amo nga lugar.
Pahayag sang alkalde, magasapol siya bwas, Abril 7 sa tanan nga barangay official sang lugar agud maistoryahan ang dugang nga bulig sa mga pamilya nga gin-evacuate.
