Ginaduso ni Iloilo 2nd District Board Member Jun Mondejar ang resolution nga nagahingyo sa mga alkalde sang probinsya sang Iloilo nga mag-install sang close circuit television (CCTV) cameras sa mga strategic nga lugar sang sa kada banwa.
Ini ang kasunod sang asod-asod nga shooting incidents nga nagluntad sa probinsya sang Iloilo.
Sa interview sang Bombo Radyo kay Mondejar, Chairman sang Committee on public order and security sang Sangguniang Panlalawigan, iya ginpahayag nga nagapati siya nga dako ang mabulig sang CCTV footage sa pagtapna kag pagtumod sang mga suspek sa krimen.
Suno kay Mondejar, nagaplano man siya nga magdihon sang ordinansa may kaangtanan sa iya ginsponsor nga resolusyon.
Pahayag sang natungdan, mas mapahapos ang pagsolbar sang mga krimen kun kompleto ang mga CCTV footage indi lamang sa mga may madamo sang tawo kundi pati na sa mga maligwin nga lugar sa probinsya sang Iloilo.
