Posible nga naglabay lang ang rebelde nga ginapahayag mga myembro sang New People’s Army (NPA) sa Barangay Alabidhan, Bingawan, Iloilo nga nag-engkwentro sa Philippine Army.
Sa interview sang Bombo Radyo kay Punong Barangay John Arnel Ceballos, iya ginpahayag nga, la 1:50 kaina sang kaagahon sang nabatian nila ang linupok, ginabanta tatlo ka metros ang kalayuon sa ila balay.
Suno kay Ceballos, wala na sila magwa sa ila balay bangud tuman ka delikado sa diin makatatlo ka beses nabatian ang paglinupok sa amo nga lugar.
Pahayag sang natungdan, nagpabalo man sa iya pagka-aga ang Bingawan Municipal Police Station sa diin ginabanta lima tubtob pito ka katapo sang NPA ang nakaengkwentro sang mga katapo sang 12th Infantry Battalion sang Philippine Army sa area nga nahamtang sa boundary sang Bingawan kag Passi City.
May mga nakit-an man nga mga ginhigdaan sang NPA sa amo nga lugar.
Gin-athag man ni Ceballos nga wala sang residente sa ila lugar nga myembro sang NPA kag tumalagsahon lamang nga nagalabay-labay ang mga ini sa ila lugar.
Nagpadulong naman sa direksyon sang Dumalag, Capiz ang mga NPA matapos naglawig sang lima ka minutos ang engkwentro.
