Sinopharm, nagakahangawa nga makasulod sa Pilipinas bangud sa mga reports nga ginapeke ang ila nga bakuna

Nagakahangawa ang Chinese company nga Sinopharm sa rollout sang ila nga bakuna sa Pilipinas bangud sa nagalapta nga mga fake doses sa local market.

Suno kay Presidential Spokesman Atty. Harry Roque, nagahalong ang Sinopharm nga magsulod sa pungsod bangud posible nga sila ang pasibangdan sa tion nga may mga tawo nga makabatyag sang madamo nga adverse effect gamit ang peke nga bakuna.

Ginkumpirma ni Roque nga may yara sang peke nga Sinopharm vacinne nga ginahimo sa isa ka factory sa Binondo, Manila kag sa subong ginsiraduhan na ini sang Chinese government.

Nahibaluan nga sang Disyembre 2020, ginbuyagyag mismo ni Presidente Rodrigo Duterte nga ang mga myembro sang Presidential Security Group ang nakabaton na sang Sinopharm COVID-19 vaccine.