Magatukod sang foot bridge ang Department of Public Works and Highways (DPWH) sa 80 meters nga kalaparon sang Dungon Creek sa Esplanade 3 bilang kabahin sang Esplanade project.
Sa interview sang Bombo Radyo kay Engr. Jose Al Fruto, Assistant Regional Director sang DPWH Region 6, iya ginpahayag nga temporaryo lamang ang ginatukod nga foot bridge agud mangin crane way sa patigayunon nga pagtakod sang apat ka girders sa lugar.
Ang nasambit nga crane way ang nahamtang mismo sa Iloilo river sa nakilid nga bahin sang anay MARINA restaurant.
Una nga gintampok ang bato kag gintungtungan sang duta kag tamburong agud may agyan ang tubig.
Suno kay Al Fruto, ang ginatukod nga footbridge sa Esplanade 3, ang magakonekta sa tanan nga esplanade sa syudad sang Iloilo.
Nahibaluan nga nagdangat sa P70 million ang ginpain nga pondo sang gobyerno para sa nasambit nga foot bridge.
