Gin-anunsyo ni Queen Elizabeth II ang pagtaliwan sang iya ”beloved” nga bana kag ginlaragway ang iya nabatyagan nga ”deep sorrow” santo sa statement nga ginpagwa sang Buckingham palace.
Bilang kabahin sang Royal Family, ginsuportahan ni Prince Philip ang rolyo sang Queen pinaagi sa pagpanguna sa madamo nga organisations kag pag-attend sa mga event kaupod ang iya asawa.
Apang paano bala nagkilalahay ang Royal Couple kag diin nag-umpisa ang ila love story?
Yari ang mga dapat mo mahibaluan:
Pag-abot sa mga istorya sa paghigugma, isa sa mala-fairytale love story ang iya nanday Queen Elizabeth nga nahulog ang buot sa iya ginakabig nga ‘Knight in shining armor’ nga si Prince Philip sang Greece kag Denmark.
Ang love story nanday Prince Philip kag Queen Elizabeth ang nag-umpisa sang 1930’s sang ang duke ang nangin isa ka cadet sa Britannia Royal Naval College sa Dartmouth.
Sang summer sang 1939, nakilala ni Prince Philip ang 13 anyos nga si Princess Elizabeth.
Si Philip, ang lima ka-tuig nga magulang kay Elizabeth, kag ginhatagan sang katungdanan sang amo nga tion, nga mangin escort sa lamharon nga sanday princess Elizabeth kag utod niya nga si Margaret samtang nagatour sa nasambit nga college ang ila ginikanan nga sanday King George VI kag Queen Elizabeth.
Suno sa governess ni Princess Elizabeth nga si Marion Crawford, ang mala ‘viking’ nga kagwapuhon, blonde nga buhok kag blue nga mga mata ni Prince Philip ang nakacapture sa tagipusuon sang prinsesa.
Pahayag ni Crawford, nagablush ang nawong sang prinsesa sang nakaupod niya sa isa ka meal si Prince Philip.
Ang duha ang nagbaylohanay man sang mga sulat sa sulod sang pila ka-tuig samtang nagaserbe si Philip bilang isa sa mga first lieutenants sa Royal Navy.
Naimbitahan man si Philip nga magtinir sa Royal Family sa pila ka mga okasyon sa diin tuman nga nahamuot sa iya si princess Elizabeth.
Matapos ang Christmas visit ni Prince Philip sang 1943, nagbutang si Elizabeth sang picture ni Philip sa iya naval uniform sa iya nga dressing table.
Ang relasyon sa tunga sang duha ang nagpadayon sa pagdalom matapos ang gyera sa diin ang prinsesa ang ginapahayag nga nagahiguma na kay Prince Philip.
Summer sang 1946, pila ka-tuig ang nagligad matapos ang ila una nga pagkit-anay sang nagdesisyon ang duha nga dal-on sa next level ang ila relasyon sa diin naglisensya si Philip sa amay ni Elizabeth nga si King George VI sang engagement.
SAN-O GINPAKASLAN NI PRINCE PHILIP SI QUEEN ELIZABETH?
Bag-o ma-anunsyo sa publiko ang engagement, kinahanglan ni Prince Philip sang bag-o nga nationality.
Ang dugo ni Prince Philip ang isa ka Danish royal bangod nga ginrecruit sang Greeks ang iya lolo nga isa ka Danish prince, agud mangin ila hari sang 19th century kag may yara man ini German kag English royalty sa iya heritage.
Walo ka-tuig matapos ang gyera sang 1947, ginpakaslan ni Philip si Elizabeth kag ginbayaan niya ang iya Greek citizenship and church kag nangin British, Anglican kag royal duke.
Ang Greek prince nangin si Prince Philip, Duke of Edinburgh, sa iya kasal , titulo nga ginhimo sang amay ni Elizabeth nga si King George VI.
Fast forward sa pagkamatay ni Prince Philip sang Abril 9, 2021, 74 ka-tuig na nga nangin kasal ang Royal Couple, may apat ka kabataan, walo ka mga apo kag 10 ka great-grandchildren.
Magkaupod nga ginlibot ni Prince Philip kag Queen Elizabeth ang bilog nga kalibutan, halin sa Australia padulong sa America, Africa kag India, kag madamo pa.
Ginsaluhan ni Philip kag Elizabeth ang hugot nga commitment sa ila mga katungdanan kag may lakip nga kalipay, nangin kaupod man nila ang isa kag isa sa pagpamag-an sang kabug-aton sang kabuhi sa publiko.
Sa pribado, ang nangin sweet endearment ni Prince Philip kay Queen Elizabeth amo ang ‘Lilibet’, ‘Darling’ ukon ‘Sausage’ sa diin tuman ang enjoy sang duha sa tion nga magsalo sang pagkaon sa lamesa.
