Lakip ang Pilipinas sa ginapan-aw nga mga pungsod sa Asya nga ulihi nga makarecover sa turismo.
Suno sa report sang Australia/New Zealand (ANZ) Research, kaupod sang Pilipinas sa ginakonsiderar ‘laggards’ ukon mahinay ang paghulag amo ang India, Malaysia kag Indonesia.
Ini bangud ang mga destinasyon sa sini nga mga pungsod ang nagapabilin nga weak sa pagbukas sa mga turista kag nagapangabudlay gihapon sa tunga sang sluggish domestic vaccination indi makontrol nga local outbreaks.
Sa pihak nga bahin, Singapore naman ang ginalantaw nga best place nga posible magapanguna sa tourism recovery sa Asya.
Ini bangud gamay lang ukon wala gid gani sang kaso sang local virus transmission sa nagligad nga mga binulan kag ini man nga pungsod ang may pinakamadasig nga vaccine rollout sa rehiyon.
Ang Singapore ang nagbukas naman sang borders sa mga byahero halin sa Australia, Brunei, mainland China, New Zealand kag Taiwan.
