Natalana nga magpagwa sang bag-o nga pagsulundan si Iloilo Governor Arthur Defensor Jr., natuhoy sa border restriction sa mga nagabyahe halin sa Probinsya sang Iloilo padulong sa Bacolod City and vice versa.
Sa interview sang Bombo Radyo kay Defensor, iya ginpahayag nga nagapakig-angot pa siya kay Iloilo City Mayor Jerry Treรฑas, agud mangin parehas ang pagsulundan sang syudad kag probinsya.
Suno kay Defensor, nakigsapol naman siya kay Bacolod City Governor Eugenio Jose Lacson natuhoy sa patigayunon nga border restriction sa diin wala man ini sang nakita nga problema sa amo nga rekomendasyon.
Ginpahayag sang gobernador nga mas maayo nga masiguro niya anay ang tanan nga figure kag lebel sang kaso sang COVID-19 sa probinsya nagikan sa Civil Defense Cluster.
Nagapatuman man ang probinsya sang COVID-19 Surge Preparedness Plan sa diin ginapreparar ang tanan nga border restriction, hospitalization, medicines, kag performance sang COVID-19 vaccination agud sa tion nga magtimbuok ang kaso sang COVID-19, preparado ang Iloilo Province.
