8% lamang sang ginpain nga P22.9 billion nga financial assistance ang nahatag sa NCR Plus area nga yara sa idalom sang enahnced community quarantine (ECQ) sa sulod sang duha ka semana.
Suno kay Department of Social Welfare and Development (DSWD) Chief Rolando Bautista, P1.7 billion sang P22.9 billion nga social amelioration program fund ang nahatag sa mga pumuluyo.
Gin-ako sini nga may yara sang mahinay nga paghatagay sang assistance apang ginapasalig niya kay Presidente Rodrigo Duterte nga mas padasigon ini sa masunod nga mga inadlaw.
Sa disbursed funds, nakabaton ang mga residentne sang Metro Manila sang pinakadako nga cash aid nga nagalab-ot sa P1.5 billion nga pondo nga ginpanghatag sa 1.5 million nga mga benepisyaryo.
