Indi magnubo sa 65% sa mga Filipino ang nagapati nga isa ka public matter ang estado sang ikaayong lawas ni Presidente Rodrigo Duterte kag nagakadapat sila pahibaluon.
Ini ang nagguwa nga resulta base sa survey sang Social Weather Stations (SWS).
32% naman ang nagpahayag nga indi na kinahanglan pa nga ipahibalo sa publiko ang tanan natuhoy sa health sang presidente.
Sang tinalikdan nga semana, wala makapakita sa publiko si Duterte sa diin kanselado ang iya nga weekly public address.
Ginpanginwala man ni Senator Christopher “Bong” Go ang mga impormasyon nga nagaguwa tuhoy sa ikaayong lawas sang presidente sa diin ginpakigbahin niya ang mga pictures nga kaupod niya si Duterte.
Ang SWS September 17-20, 2020 National Mobile Phone Survey ang isa ka probability-based survey nga ginconduct pinaagi sa mobile phone kag computer-assisted telephone interviewing sa 1,249 nga mga adult Filipinos naga-edad 18 anyos pataas sa bilog nga pungsod.
