Padayon nga nagapahanumdom ang gobernador sang probinsya sang Iloilo sa publiko nga likawan ang pagpatigayon sang bulang.
Sa interview sang Bombo Radyo kay Iloilo Governor Arthur Defensor Jr., iya ginpahayag nga madamo na ang nagkalamatay nga mga manugbulang sa probinsya sang Iloilo bangud sa COVID-19 gani indi na niya luyag nga madugangan pa ang numero sini bangud sa kadungol sang mga tawo nga padayon nga nagapatigayon sang bulang.
Suno kay Defensor, sa bag-o nga pagsulundan sang Inter-Agency Task Force (IATF), nasaad nga ang mga lugar nga napaidalom sa Modified General Community Quarantine (MGCQ) ang ginadumulian sa gihapon sa pagpatigayon sang bulang.
Dugang pa niya, sa bulang masami nagakatabo ang paglatnanay sa COVID-19 gani nga mas maayo nga likawan na lamang ini.
