ILOILO CITY- Nangin madinalag-on ang isa na naman ka hugnat sang Dugong Bombo paagi sa pag-updanay sang Local Government Unit sang Passi City kag Bombo Radyo Iloilo.
Ini ang ginpatigayon sa Barangay Salngan sa amo nga syudad.
Sa interview sang Bombo Radyo kay Punong Roy Laxa sang Barangay Salngan, iya ginpahayag nga dungog para sa iya nga mangin kabahin ang iya lugar sa mga areas nga ginhiwatan sang bloodletting activity.
Suno sa iya, wala nauyang ang tiempo nga ginhatag sang mga volunteer blood donors bangud nga madamo na naman ang masugpunan sang kabuhi sang ila gindonar nga dugo.
Nahibaluan nga gin-cluster ang mga barangays sa Passi City para sa sini nga aktibidad sa diin nag-upod man sa bloodletting ang Barangay Gemumua-Agahon, Barangay Agtabo, Barangay Dalicanan, Barangay Tagubong, Barangay Alimono, Barangay Jaguimitan, kag Barangay Magdungao.
