Mangin dako ang kinalain sang ika-95 nga kaadlawan ni Queen Elizabeth II sa Abril 21 kun ipaanggid sang mga tinalikdan nga mga tinuig nga buhi pa ang iya bana nga si Prince Philip.
Kun sadto, may yara sang mga panibag-o nga pictures nga ginasapubliko ang reyna kag iban pa myembro sang royal family sa adlaw sang ila birthday, apang sa subong nga tuig, wala sang picture nga may ipaguwa sa publiko.
May yara man sang mga ekspekulasyon nga nagaguwa nga si Prince Harry nga nagbalik sa United Kingdom bangud nagtambong sa lubong sang iya lolo, ang maga-extend pa sang iya nga pagtinir kaupod ang royal family tubtob matapos ang birthay ni Queen Elizabeth.
Magluwas sa pagtaliwan ni Prince Philip, isa man sa mga rason ang COVID-19 pandemic sa pagbag-o sang birthday celebration sang reyna subong nga tuig.
Ang “Trooping the Colour” — isa ka event kada tuig nga ginasaulog kada Hunyo bilang selebrasyon sa kaadlawan ni Queen Elizabeth sa diin ang highlight amo ang pagtililipon sang royal family sa balcony sang Buckingham Palace — ang kanselado man sa sulod sang duha na ka tuig bangud sa pandemya.
