Ginpaathag ni former Iloilo City Councilor Atty. R Leonie Gerochi kag anay chairman sang Committee on Transportation sa konseho kun ngaa wala niya mahitso ang Local Public Transport Route Plan may kaangtanan sa issuance sang prangkisa para sa mga tricycle drivers.
Sa interview sang Bombo Radyo kay Gerochi, iya ginpahayag nga sang iya termino, naumpisahan na niya ang pag-obra sang sistema kag pagtipon sang data may kaangtanan sa trycycle drivers sang syudad sang Iloilo.
Apang gin-ako ni Gerochi nga wala niya matapos ang rekisitos para sa renewal sang prangkisa sang mga traysikol drivers sa syudad bangud naabtan siya sang eleksyon.
Diri kag nagbalasahay sa konseho kag nahatag sa iban ang iya komitiba.
Suno kay Gerochi, madamo man siya sang ginduso nga plano apang wala niya matapos bangud man sa eleksyon.
