Wala na sang problemahon ang mga tricycle operators sa pag-renew sang ila nga prangkisa agud hilway nga makabyahe sa syudad sang Iloilo.
Ini bangud mahimo na nga maka-renew sang expired nga prangkisa sang mga tricycle ang Iloilo City Council.
Sa interview sang Bombo Radyo kay Councilor Atty. Romel Duron, iya ginpahayag nga mahimo makapasa na sa bulan sang Mayo ang Iloilo City Council sang Local Public Transport Route Plan sa Department of Transportation (DOTr) kag ginalauman nga ini na ang maaprubahan sa bulig sang Land Transportation Franchising and Regulatory Board (LTFRB).
Sa tion nga maga-issue ang DOTr sang notice of compliance, ini ang mangin basehan agud nga mapasar ang Local Public Transport Route Plan.
Sa syudad sang Iloilo, 80% sa masobra 3,000 nga mga tricycle sa syudad ang may yara sang expired nga prangkisa.
