Dakop sa kaso nga rape ang isa ka wanted person matapos ginserbehan sang warrant of arrest sang Jordan Municipal Police Station sa probinsya sang Guimaras.
Ang arestado amo si Colleen James Alavez, 19, residente sang Barangay San Miguel, Jordan, Guimaras.
Sa interview sang Bombo Radyo kay PMaj. Kenneth Bermejo, hepe sang Jordan Municipal Police Station, iya ginpahayag nga may yara sang kaso nga rape si Alavez sang 2020 bangud sa pagpanghimulos sa isa ka menor de edad.
Magluwas sa rape, may yara man ang lalaki sang kaso nga sexual assault.
Sa subong, nagapabilin sa kustodiya sang Jordan Municipal Police Station si Alavez.
