Nadugangan sang 368 ang mga kumpirmado nga kaso sang COVID-19 sa Western Visayas.
Sa nasambit nga numero, nagapanguna diri amo ang Negros Occidental nga may yara sang 179 nga positibo nga kaso, ginasundan sang Bacolod City nga may 97, Capiz nga may 39, Iloilo Province nga may 19, Antique nga may 18, Iloilo City nga may 14, Aklan nga may duha kag wala naman sang may narekord nga COVID-19 positive sa Guimaras.
Nadugangan naman sang duha ang reported deaths kahapon, Abril 24 sa diin kabug-usan nga 862 na ang mga napatay bangud sa virus.
Ang mga nag-ayo naman sa balatian ang nagdangat na sa 28,021 matapos madugangan sang 324 nga mga nakarecover.
Sa subong, may yara na sang kabug-usan nga 33,818 COVID-19 cases sa rehiyon sa diin 4,929 ang makabig nga active cases.
Kun pahat-pahaton ang mga kaso sang COVID-19 sa Western Visayas;
Aklan – 1,495
Antique – 873
Capiz – 1,644
Guimaras – 383
Iloilo Province – 5,869
Negros Occidental – 10,422
Bacolod City – 7,090
Iloilo City – 6,042
