Nagapabilin sa ospital ang driver sang motorsiklo nga nakabunggo sa pribado nga salakyan sa Barangay Tinorian, Barotac Nuevo, Iloilo.
Ang driver sang motorsiklo amo si Joshua Devinoto, 21, residente sang Barangay Tabucan, Barotac Nuevo samtang ang driver sang pribado nga salakyan amo si Jenil Belgira.
Sa interview sang Bombo Radyo kay Police Staff Sergeant Matt Anthony Carado, imbestigador sang Barotac Nuevo Municipal Police Station, iya ginpahayag nga ma-left turn kuntani ang motorsiklo apang wala sini matalupangdan ang pribado nga salakyan .
Bangud sini, nakaangkon sang pilas sa nagkalain-lain nga bahin sang lawas ang driver sang motorsiklo kag wasak naman ang panguna nga bahin sang salakyan.
