Wala sang kalain sang buot kag paghinulsolsi Rabiya Mateo nga napaslawan siya sa iya handom nga madala pauli ang ika-lima nga Miss Universe crown para sa Pilipinas.
Suno sa 24 anyos nga Ilongga beauty queen, maayo ini nga umpisa para sa ila nga Miss Universe 2020 sisters bangud nakatukod sila sang friendship sa ila nga pag-updanay sa Florida.
Pahayag niya, dako ang impact sang ila partisipasyon sa Miss Universe 2020 bangud indi man adlaw-adlaw nga marepresenta nila ang ila tagsa ka mga pungod.
Gani dako ang pagpasalamat niya nga nahatagan sila sang kahigayunan.
Dugang pa ni Rabiya, tanan sila ang makabig nga reyna may korona man ukon wala.
Nahibaluan nga si Andrea Meza sang Mexico ang ginkoronahan bilang Miss Universe 2020.
Ginhiwat ang grand finale sa Seminole Hard Rock Hotel & Casino sa Hollywood, Florida, USA.
