Gin-aprubahan sang drug agency sang Europen Union ang isa ka bulan nga storage sang Pfizer-BioNTech coronavirus vaccine.
Suno sa European Medicines Agency (EMA), ginpalawig pa gikan sa lima ka adlaw ang storage period sang fridges apang ini ang para lang sa mga wala pa mabuksan nga vials sang bakuna nga inisyal nga ginabutang sa tuman ka tugnaw nga freezers.
Pahayag naman sang Amsterdam-based EMA, ang pagpasangkad sang flexibility sa storage kag pagdumala sang bakuna ang ginalauman nga makahatag sang significant impact sa pagplano kag logistics sang vaccine rollout sa mga EU member states.
Nahibaluan nga sadto, bangud sa pagka-epektibo sang Pfizer vaccine batuk sa COVID-19 , ini ang rason kun ngaa nagakabudlayan ang pungsod magtago kag magtransport sang bakuna bangud kinahanglan ang tuman ka tugnaw nga kondisyon.
Apang sa subong, mahimo na mabutang ang nasambit nga bakuna sa “two to eight degrees celcius” humalin lima ka adlaw tubtob isa ka bulan ukon 31 ka adlaw.
