Nagapasalamat ang Iloilo City Loop Alliance of Jeepney Operators and Drivers Association (ICLAJODA) sa Iloilo City Police Office (ICPO) sa hugot nga pagpatuman sang Anti-Barking Ordinance sa syudad sang Iloilo pinaagi sa pagbantay sa mga dalanon batuk sa mga barkers nga nagapamahog kag nagapangilkil sa mga drivers.
Sa interview sang Bombo Radyo kay Mr. Raymundo “Boyet” Parcon, Presidente sang ICLAJODA, iya ginpahayag nga ginadayaw niya ang ICPO sa madasig nga pag-akto sa mga reklamo sang drivers.
Sa paglibot ni Parcon, nakit-an niya nga wala na sang mga barker sa mga dalanon ilabi na sa mga dalan nga iya gintumod nga may madamo nga barkers nga nagapamahog kag nagapangilkil sa drivers kag ini ang sa area sang Baluarte, Jaro Plaza, Valeria kag Mabini Streets.
Nagapangabay si Parcon nga kuntani indi lang ini ‘hapaw’ nga pagpatuman sang ordinansa sa baylo padayon nga mabantayan ang mga drivers.
