Magahingyo ang grupo sang mga mangunguma sa Kongreso matapos nagpagwa sang mando ang Malacañang kaangot sa pagpanubo sang taripa sang bugas nga gina-import halin sa iban nga pungsod.
Suno kay Leonardo Montemayor, board chairman sang Federation of Free Farmers kag anay Secretary sang Department of Agriculture, ginpagwa ang Executive Order 135, duha ka adlaw antes nagbalik ang session sa Kongreso.
Ginpahayag ni Montemayor nga ang nasambit nga tikang ang nagapakita sang indi pagrespeto sa mga tariff-making authority nga amo ang Kongreso.
“Parang kulang ng respeto po sa ating tariff-making authority, na atin pong Kongreso kaya mag-aappeal po kami sa Kongreso. Siguro pati na rin sa Malacanang,” pahayag ni Montemayor.
Gin-athag ni Montemayor nga sa subong, estable man ang supply sang bugas sa pungsod.
Wala man suno sa natungdan sang kamatuuran nga ang sa bugas nagahalin ang dugang nga inflation.
“Sabi nila para maiwasan ang additional inflation. Wala pong inflation na nagmumula po sa bigas. As far as rice supply is concerned, stable po tayo . . . Wala po kaming makitang basis.”
