Bastante ang COVID-19 and Non-COVID-19 hospital beds sa probinsya sang Iloilo.
Sa interview sang Bombo Radyo kay Dr. Cynthia Cabangal Ng, head sang Hospital Management Office sang Iloilo Provincial Government, iya ginpahayag nga sa subong may yara sang 199 nga hospital beds para sa COVID-19 patients kag 866 ka mga beds para sa non-COVID-19 patients.
Sa 199 nga available beds para sa mga pasyente nga COVID-19 positive, 33.22 percent ang occupancy rate sa diin 99 diri ang ginagamit kag may 100 pa nga available.
Sa 866 naman nga hospital beds para sa mga indi COVID-19 patients, 51.27 percent ang occupancy rate sa diin 444 ang ginagamit kag 422 pa ang available beds.
Apisar sini suno kay Cabangal, nagakadapat nga indi magpakumpyansa ang pumuluyo sang probinsya kag maghalong sa tanan nga tinion agud malikawan ang nagkalain-lain nga balatian.
