Dako nga palamangkutanon ang pagsaylo sang ‘residency’ ni Iloilo 4th District Congressman Braeden John Biron sa Dumangas, Iloilo nagikan sa Barotac Nuevo, Iloilo.
Sa interview sang Bombo Radyo kay anay Congressman Pablo Nava sang APPEND Party list, iya ginpahayag nga may yara sang intensyon sa likod sang pagsaylo sang ‘residency’ ni Biron.
Suno kay Nava, ang pagsaylo sang mamalidha ang makahatag sa iya sang isa ka tuig nga ‘residency’ nga amo ang isa sa mga kwalipikasyon sang kandidato nga makapadalan sa lokal nga eleksyon.
Indi man pahayag niya tumandok sang banwa sang Dumangas ang mga Biron.
Gin-athag man ni Nava nga wala siya sang plano para sa May 2022 elections apang kadam-an sa mga taga Dumanggas ang nagakonsidera sa iya nga maka-engganyo siya sa mga nagakabagay nga lider sa nasambit nga banwa.
Ang kinahanglan nga lider pahayag sang natungdan amo ang may yara sang ispirito kag panimuot sang suluguon kag indi sang isa ka amo.
