ILOILO – Ginapapag-on pa sang probinsya sang Iloilo ang capacity sang mga district hospital sa pagbaton sang mga COVID-19 kag Non-COVID-19 patients.
Sa interview sang Bombo Radyo kay Iloilo Governor Arthur Defensor Jr., iya ginpahayag nga nagapakig-angot ang probinsya sa Department of Health agud nga masigurado nga indi mahubsan sang mga hospital beds, indi lamang para sa mga COVID-19 patients kundi para man sa mga gina-admit sa iban pa nga balatian.
Suno kay Defensor, nagapadayon ang pagmonitor sang probinsya sang mga kaso sang COVID-19 sa diin sa tion nga magsaka pa ang kaso sang virus, liwat siya nga magahimo sang adjustment sa health protocols.
Ginapahayag sang gobernador nga masami nagaluntad ang paglatnanay sang COVID-19 sa kada pamalay.
Bangud sini, wala naman untat sa pagpatigayon sang lockdown ang mga barangay, sitio kag purok sa diin may rekord sang COVID-19 positive nga mga pasyente, agud gilayon nga mapunggan ang paglapta sang virus.
