Nag-umpisa na ang World Bank sa pagdumala sang trust fund para sa Bangsamoro Autonomous Region in Muslim Mindanao (BARMM) nga mangin palaagyan sa pagbaton sang bulig halin sa mga foreign institutions agud nga pondohan ang mga development projects.
Ang World Bank ang ginpili bilang fund manager sang gobyerno agud maghatag sang transparency sa kun paano ini gamiton.
Suno sa World Bank, ang foreign institutions kaangay sang European Union kag Australian government ang nagpasalig na nga magabulig sa development sang BARMM pinaagi sa paghatag sang kontribusyon sa trust fund.
Magluwas sa pagbaton sang bulig halin sa international funding partners kag sa national government, ang trust fund ang makabaton man sang donasyon halin sa local private companies.
