Liwat nga naghugot sang COVID-19 measures ang Singapore agud nga mapunggan ang paglapta sang infections bangud amat-amat na naman nga nagataas ang community cases.
Suno kay Bombo International Correspondent Mercy Saavedra Cacan, gin-anunsyar sang Ministry of Health sang Singapore nga ibutang sa “Phase 2 (Heightened Aler)” ang pungsod nga nag-umpisa na sang Mayo 16 tubtob Hunyo 13 sa diin ginadumilian ang pagtililipon.
Ang klase ang ginkansela anay kag ginhimo nga full home based learning matapos nga pila ka mga estudyante ang nagpositibo sa COVID-19.
Pahayag ni Cacan, bukas man ang tanan nga resturant apang ginadumili-an ang dine-in kag para lang ini sa take out.
Sa bahin sang COVID-19 vaccine, duha lang ka mga bakuna may yara ang Singapore — ini ang Moderna kag Pfizer BioNTech.
