Nakahanda ang Police Regional Office (PRO-6) nga pangitaan sang vaccination site ang local government unit ukon Department of Health (DOH) sa tion nga maghingyo ini sang bulig kaangot sa pagpatigayon sang COVID-19 vaccination rollout.
Sa interview sang Bombo Radyo kay PLt. Col. Joem Malong, Spokesperson sang PRO-6, iya ginpahayag nga may mga facilities naman nga nakahanda ang talatapan kag mangin ang police stations ang mahimo nga maggamit bilang vaccination site.
Suno kay Malong, may yara man sang medical reserve forces ang PRO-6 sa tion nga magkulang ang medical practitioners.
Ang mga medical reserve forces kun kaisa ang ginahulam sang mga LGUs agud nga magpartisipar sa pagbakuna sa mga pumuluyo.
Panugyan sang natungdan, sa tion nga kinahanglan sang bulig ang kapulisan, makig-angot lang sa PRO-6.
