Handa ang Hamas — ang Palestinian militant group sa Gaza Strip nga magpatigayon sang ceasefire agreement sa militar sang Israel sa duha ka kondisyon.
Suno kay Dr. Basem Naim, anay Palestinian health minister nga subong pinuno na sang international relations council sang Hamas, ginpakig-angutan na niya ang tanan nila nga partido nga batunon nila ang mutual ceasefire sa tunga sang Israel kag Hamas apang sa duha ka kondisyon.
Una, dapat nga untaton na sang Israeli forces ang pagpang-atake sa Al-Asqa compound kag respetuhon ang ila nga lugar.
Ika-duha, dapat nga untatan na sang Israel ang pagpatigayon sang forced evacuation sa mga Palestinian residents sa Sheikh Jarah neighborhood.
Pahayag ni Naim, ang ini nga mga kondisyon ang naangot sa international law kag indi kondisyon nga ginalauman sang Hamas authority.
Base naman sa statement sang opisina ni Israeli Prime Minister Benjamin Netanyahu, ila ginabaton ang ceasefire.
Gilayon man ini nga ginkumpirma sang Hamas kag Islamic kag ginpahayag nga mahimo mapatuman ang ceasefire subong nga adlaw.
