Madamo sang mga violators sang public health protocols ang makit-an sang Iloilo City Compliance Team sa bahin sang Fort San Pedro.
Sang damlag lang, ginpadulongan sang Iloilo City Police Station 1 ang nasambit nga lugar dala ang pulgadera agud nga matakos ang distansya sang mga tawo.
Sa interview sang Bombo Radyo kay Fernando Jose “Boyet” Rico, Head sang Compliance Team, iya ginpahayag nga may yara gid sila sang may masaway sa Fort San Pedro nga wala nagasunod sa minimum health protocols ilabi na sa pag-obserba sang physical distancing.
Ang mga punong barangay kag barangay tanod ang nagalibot man sa lugar apang suno kay Rico, may mga tawo gid nga wala nagapati.
Mas maayo pahayag sang natungdan nga yara gid ang kapulisan sa pagbantay kag pagpatuman sang health protocols.
